Voss sjukehus (heretter VS) er eit akuttsjukehus med traumefunksjon. For å dekke beredskapen 24/7 med spesialistar innan gastrokirurgi, har VS større kapasitet innan øyeblikkeleg kirurgi og elektiv kirurgi enn tilfang av pasientar frå eige opptaksområde. For å sikre grunnlag for stabil drift og for å bygge kompetanse innan fagområde, treng VS å ha eit tilstrekkeleg tal operasjonar og polikliniske konsultasjonar. Ved å utnytte kapasiteten på VS vil ein frigjere kapasitet i Bergensområdet.

Denne avtalen mellom Kirurgisk klinikk (GEKIR) og VS sikrar at ein nyttar VS sin kapasitet, til det beste for det totale helsetilbodet innan gastro i Helse Bergen. Avtalen sikrar eit godt samarbeid og god fordeling, slik at pasientane opplever å vere i eit saumlaust behandlingsforløp uavhengig om dei får heile eller deler av behandlinga ved VS.

VS kan tilby operasjonsstove tilgjengeleg for operatør frå Kirurgisk klinikk, der operatør opererer frå eiga pasientliste. Kontakt koordinator VS tlf: 56533917 for nærare avtale.

Det skal gjennomførast eitt til to faste møter mellom VS og Kirurgisk klinikk årleg. VS har ansvar for innkalling. Fast agenda er oversikt over tal pasientar overført og utvikling over tid, og eventuelt behov for endring i avtaletekst. Evaluering av avtalen skal gjennomførast fyrste gong innan 01.11.2024. Revidert avtale for komande år skal signerast innan 31.12.